Welcome To
മുളപ്പോൺപള്ളി കുടുംബം |

പ്രസ്‌തുത ലഘുചരിത്രത്തിൻ്റെ പ്രസിദ്ധീകരണത്തിന് ചീഫ് എഡിറ്റർ ഫാ.എസ് ജേക്കബ് മുളപ്പോൺ പള്ളി, എഡിറ്റോറിയൽ ബോർഡ് അംഗങ്ങളായ ജോയി കോശി തേവരത്ത്, ശ്രീ. പി ടി. മാത്യൂസ് പൈനുംമൂട്ടിൽ പീടികയിൽ, ശ്രീ. ഡാനിയേൽ കാരോട്ട്, ശ്രീ. ഡാനിയേൽ തുരുത്തേൽ, അഡ്വ.ഷീനാ ആൻസ് തരകൻ എന്നിവർക്കും വിവി ധങ്ങളായ പ്രവർത്തനങ്ങളിൽ പങ്കെടുത്ത് സഹായിച്ച കെ. ജോർജ്ജ്‌കുട്ടി, തേവരേത്തുകിഴക്കേതിൽ എന്നിവരുടെ തദവസരത്തിലുള്ള സേവനങ്ങളും പ്രത്യേകം സ്മ‌രണീയവുമാണ്

തരകനപ്പൂപ്പന്റെ ശ്രാദ്ധവും കെടാവിളക്കും ആർക്കും അവകാശപ്പെടാനില്ലാത്ത വലിയ ചരിത്ര സാക്ഷ്യമാണ്. തുടർച്ച യായി ഓർമ്മയാചരണവും വിളക്കുകൈമാറ്റവും നടത്തുക എന്നത് പൗരോഹിത്വ ശ്രേഷ്‌ഠന്മാരും പൂർവ്വപിതാക്കന്മാരും ദൈവസന്നിധിയിൽ പുലർത്തുന്ന മദ്ധ്യസ്ഥതയുടെ തെളിവായി തന്നെ കരുതാം.

കാലഘട്ടത്തിൻ്റെ മുന്നോട്ടുള്ള പ്രയാണവും ദേശീയവും അന്തർദേശീയവുമായി കുടുംബാംഗങ്ങളുടെ കുടിയേ റ്റവും പുതിയ തലമുറയെ ലക്ഷ്യമാക്കി ഡിജിറ്റൽ യുഗത്തിലേക്കുള്ള വെബ്‌സൈറ്റ് മുതലായ ആശയത്തിലേക്കു വിരൽ ചൂണ്ടുന്നു. പ്രസ്‌തുത സാഹചര്യം സംക്ഷിപ്‌ത കുടുംബചരിത്രം ‘കെടാവിളക്ക്’ വെബ്സൈറ്റിലൂടെ ലഭ്യമാക്കാനുള്ള പ്രയത്നത്തിലേക്ക് നയിച്ചു. 2025 സെപ്റ്റംബർ 27 (കന്നി 11) ശ്രാദ്ധദിവസം മുളപ്പോൺപള്ളി പരേതനായ ജേക്കബ് കത്തനാരുടെ കൊച്ചുമകൾ ഏഴംകുളം മുളപ്പോൺപള്ളി രജനി തോമസിൻ്റെ ഭവനത്തിൽവെച്ച് വെബ്സൈറ്റ് പ്രകാശനം ചെയ്യണം എന്ന ദൃഢനിശ്ചയത്തോടുള്ള പ്രവർത്തനം ദൈവകൃപയാലും സകല വിശുദ്ധന്മാരുടേയും പൂർവ്വപിതാക്കന്മാരുടെയും പ്രാർത്ഥനയോടും പൂർത്തീകരിച്ചു സമർപ്പിക്കുന്നു.

ഈ ലഘുചരിത്ര സംരംഭം ഈ രൂപത്തിൽ ചിട്ടപ്പെടുത്തുവാനായി ബുദ്ധിയും ശക്തിയും ഭക്തിയും നൽകിയ പരമ കാരുണികനായ ദൈവത്തെ സ്‌തുതിക്കുന്നതോടൊപ്പം എനിക്ക് സർവ്വവിധ പ്രചോദനമേകിയ കുടുംബ അംഗങ്ങളോടും കമ്മറ്റി അംഗങ്ങളോടും വിശിഷ്യ ദ്യഢനിശ്ചയത്തോടും പ്രവർത്തന ചാതുര്യത്തോടും ഒപ്പം പ്രവർത്തിച്ച രാജു ഡാനി യേൽ തുരുത്തേൽ (സെക്രട്ടറി), ജെയിംസ് വർഗ്ഗീസ് മുളപ്പോൺപള്ളി (ട്രസ്റ്റി) എന്നിവരോടും യതോചിതമായ ഉപദേശങ്ങൾ നൽകി സഹായിച്ച ശ്രീ.ജോൺ തുണ്ടിൽ, ബാബു വർഗ്ഗീസ് പാണംതുണ്ടിൽ, റ്റി.വി.മാത്യു വാലുകുറ്റിയിൽ, സുബി പാപ്പച്ചൻ പീടികയിൽ, രാജൻ മോഴാട്ട് എന്നിവരോടും കൂടാതെ എന്നോടൊപ്പംനിന്ന് ഏറെ പ്രോത്സാഹനവും പിന്തുണയും നൽകി കൈയ്യെഴുത്തു കോപ്പി വരെ ചിട്ടപ്പെടുത്താൻ സഹായിച്ച ശ്രീമതി റോസമ്മ ജോയിയോടും വിവിധ സാഹചര്യത്തിൽ ഉചിതമായ മാർഗ്ഗനിർദ്ദേശം നൽകിയ എൻ്റെ മക്കളോടും കുടുംബാംഗങ്ങളായ മറ്റെല്ലാവരോടുമുള്ള നിസ്സീമമായ നന്ദിയും കടപ്പാടും കൃപയോടെ സ്മ‌രിക്കുന്നു.